QAALI WAXAAD TIRAAHDAAN

Waxaa la yiri gabar Ina-Sayid Maxamed ah oo la oron jiray Qaali, ayaa aabbeheed hore u arki weyday, dabadeed farriin bay ugu fartay eeddadeed Jamaad Jamaad Sheekh Cabdulle, Sayid Maxamad walaashii. Sh. Cabdulle. Sayidku markii hadalkaas loo sheegay wuxuu isna gabadhii u mariyay gabay oo wuxuu yiri:

Qaali Qaali Sayid Maxamad Cabdulle Xasan. waxaad tiraahdaan, qowlkaagii ii yimid Dharkaad u qawadaysiyo, qalbigaagu wuxuu rabo Qaddar Eebbe mooyee, qayb waa lagaa siin Qurxi hadalka aad tiri, qababoosh ma fiicna e Quraankana ha laayicin, salaadduna qalle u diid Habartaana qaarido, waalid laguma qooqe Qabbaan iyo farsamo baro, yaadan qiiqa beeline Qoyskiinna mooyee, qolo kalena haw tegin Hugaagana qordheeyoo, qalyannimo iska ogow Quudkana iskaga tuur, ninkii raba ha qaatee.