GURIGII DARIIQAAN LAHAA

Gabaygan waxaa la mariyay guyaashii ay Daraawiishi deggenayd Nugaal xeebeheeda hoose - xeebaha Ayl iyo Ilig-deldela, markan xarun waxaa u ahayd Gelingaalle. Ujeeddadiisu waxay ahayd Sayidku Daraawiishta - inuu u sheego dhulkay doonayaan inay qabsadaan iyo duullaanka baxayaa jidkuu mari lahaa. Wcligood Daraawiishi waxay haanka ku hayeen dalka loo yaqaan Nugaal iyo dhulka ciidda cas midna inaysan gacantooda ka bixin, waxay ku wadeen haddii xeebaha looga soo duulo oo laga qabsado, irridda kaliya ee u furnayd inay ahayd Nugaal, xagga dhaqaalaha xoolaaha haddii loo eegana waa dhul wanaagsan. Wuxuu Sayidku yiri:

Gurigii Dariiqadaan Dariiqo: Waa magac labaad oo xaruntii Daraawisheed la oron jiray. lahaa, guluf ka heenseeye Badda gooddigeedaan lahaa, gudub u sii qaade Golol Waa dah ballaaran oo Hobyo galbeed kaga toosan. iyo Cadduun Waa dhul ciid ah oo Golol iyo Gaalkacyo u dhaxeeya. baan lahaa, gabagabee beele

Garoowaan Garoowe: Wuxuu ahaan jiray ceel, haddana waa xarunta gobolka Nugaaleed. lahaa gelin ku furo, gaatiyaha awre Gaalkacyo Waxay ahaan jirtay ceel, waxaa unkay Cali Yuusuf, haatanna waa xarunta gobolka Mudug. Beyraan Beyra: Waa ceel laga cabbo oo Gaalkacyo 30 km u jira oo geesta waqooyi-galbeed ka xiga. lahaa, bari u sii guure Dhudub Waa ceel ka mid ah Ceelcad. iyo Gallaaddaan Gallaaddi: Ceelka ugu caansan ceelasha loo yaqaan Ceelcad, 44 km ayuu Wardheer u jiraa, wuxuuna ka xigaa dhinaca bari. lahaa, galalafoo dhaafe

Afar geeddiyow baan lahaa, Doollo Waa toddobada ceel ee Wardheer, Walwaal, Afyaraaddo, Garloogube, Yucub, Waafdhuug, iyo Uubataale. ugu guure Gaafoow Ceel ka mid ah ceelasha Wardheer. galkiisaan lahaa, gole ka maageere Garloogube Ceel ka mid ah ceelasha Doollo. gadiidkaan lahaa, gaaddaduu mariye

Goglo Dhul u dhexeeya Qorrexeey iyo Garloogube. iyo Bannaan Waa dhul geedgaab ah oo u dhexeeya Haradoollood iyo Haraxagarrey. baan lahaa, geydho ka eryoode Qabridaharre Waxay ahaan jirtay ceel xooluhu ka cabbaan, haatanna waa magaalada Amxaaradu, Ogaandenya uga taliso. baan lahaa, gaalana u xiire Galshey baan lahaa reer Subeyr, goborro weyntiiye

Haaruun gumaad baan lahaa, gabadhna haw reebin Gufaacada horaan Dalal lahaa, golaha raacsiiye Gurraasiyo Gurraase: Gurraase Xaaji Cali, wuxuu ka mid ahaa raggii abaabulay shirqoolkii Gurdami. Iljeex Xuseen Xirsi, wuxuu ka mid ahaa raggii abaabulay shirqoolkii Gurdami. baan lahaa, gowrac ugu jiide

Gadhcaddaha Xuseenaan Xuseen Cumar Nuur Dalal. lahaa, guduriguu looge Gorof u eke Raabboo Raabbi Guuleed Xirsi Dalal. aan helay, uma gargaareene Gowsaha ka jebi baan lahaa, gudo qudhmoonaaye

Gaalayska Xaylaan Xayle Warfaa Axmed. lahaan, geli nijaaskiiye Gaboygii xaglaha godon lahaa, garacii reer Ciise Xasan Xasan-bidde Khalaf Dalal. gamas ku jebi baan lahaa, goob ha jiifsado e

Gasirkii walaalkii ahaa, daba guduudnaaye Usaguna goshaan waran ka gelin, goor aroorya ahe Cumar Nuur Cumar Nuur Xirsi Dalal. gantaalaan lahaa, go’aha raacsiiye

reer Khalaf Khalaf Xirsi Dalal. gurboodkii ka hadhay, geeridiis nacaye Magan Magan Khalaf Xirsi Dalal. inaan waraabe u gambiyo, waa garaan jirine Huwanoo aan garan inaan dulmiyo, weyga garanuuge

Iiddoorku waa gacal Amxaar, geydhna wow qabaye Ilka giirre inaan gowracaa, igu gar weeyaane Usaguna gaddoonkaan lahaa, ugu galaal xoore

Araarsame gunta inaan ka jaro, wow guddoonsadaye Gidhligaanka waxaa loo cabbeyn, inaan ku goynaaye Gaaskii ishaarada lahaa, guutadii wacaye

Gooshiyo sangootiga berraa, lagu gelaayaaye Guullow Allahayow kuwaas, nagu gargaar maantay Geeliyo Allahayow na sii, guuyadiyo reerka.