Maki Xaaji Banaadir

Maki Xaaji Banaadir waa abwaan, jilaa, majaajiliiste iyo heesaa Soomaaliyeed. Waxa uu ku dhashay sanadkii 1958 deegaanka Jilib Marka ee gobolka Shabeellaha Hoose. Hibadiisa suugaaneed ayaa u sahashay inuu noqdo mid ka mid ah fanaaniinta muddada dheer ku soo jiray fanka Soomaaliyeed. Waxa uu ku soo jiray fanka muddo ka badan afartan sano, isagoo caan ku ah curinta iyo tirinta gabayada, majaajillada, heesaha iyo bandhigyada suugaaneed. Suugaantiisu waxay inta badan ka hadashaa arrimaha bulshada, nabadda, hiddaha iyo dhaqanka Soomaaliyeed, wadajirka bulshada iyo wacyigelinta.